Ishqat aanast kazd naam-o-nishaanam baqeest - Hazrat Qibla Shah Niyaz Be-Niyaz Rz.A.

Ishqat aanast kazd naam-o-nishaanam baqeest

Gar che faani shuda am zikr-o-bayaanam baqeest

 

(Mere ishq ki wajah se mera naam-o-nishaan baaqi hai,

Main fana ho gaya hoon phir bhi mera zikr-o-bayaan baaqi

hai)

 

Gauhar-e-hasti man gar che hubaab aasa hast,

Zaat-e-haq kaan man-o-bahr rawaanam baqeest;

 

 (Mera hasti ka moti gar che hubab {bulbuley} ki tarah hai,

Lekin zaat-e-haq mera kaan hai aur main bathe huey samandar ki tarah zinda hoon)

 

 Mehfil-e-saghar-o-mai mutrib-o-nai aakhir gasht,

Mast-o-wajd-e-dil raqs kunaanam baqeest;

 

 Saaghar,Sharaab,mutrib aur saaz ki mehfil khatm ho gai hai,

Lekin dil ki masti aur wajd ka raqs abhi baaqi hai)

 

 Shola-e-noor-e-qidam bar-dil-e-tooram tabeed,

Su khatm khaak shudam sozish-e-jaanam baqeest;

 

 (Noor-e-qidam yaani humesha rahne waale noor ka shola mere dil ke toor pe chamka,

Aur sab kuchh khatm-o-khaak ho gaya lekn dil ka soz abhi baaqi hai)

 

 Gar na-ma nad-em dar-een dair che baqeest ‘Niyaz’,

Kaz azal ta-ba-abad jaan-e-jahaanam baqeest !!!

 

 (Aye ‘Niyaz’ agar main is butkade mein na bhi raha to kya hua,

Azal se abad tak mera jaan-e-jahaan mera mahboob baaqi rahega)

 

 

~ Hazrat Qibla Shah Niyaz Be-Niyaz Rz.A.

 

Kafir-e-ishq hoon main banda-e-islam nahin - Hazrat Qibla Shah Niyaz Beniyaz R.A.

Kafir-e-ishq hoon main banda-e-islam nahin

But parasti ke siwa aur mujhe kaam nahin

Ishq mein poojta hoon qibla-o- kaaba apna 

Ek pal dil ko mere uske bin aaraam nahin 

Bulhawas paanw na rakhiyo kabhi is raah ke beech

Koocha-e-ishq hai ye raguzar-e-aam nahin

Haye re haye chali jaati hai yun fasl-e-bahaar

Kya karoon bas nahin apna wo sanam ram nahin

Aar kya hai tujhe duniya ki malaamat se ‘Niyaz’

Aashiqon mein tuu akelaa hi to badnaam nahin 

~ Hazrat Qibla Shah Niyaz Beniyaz R.A.

Ishq Me Tere Kohe Gham - Kalaam Hazrat Shah Niyaz

Here is the complete kalaam by Hazrat Shah Niyaz R.A. which has been sung by various singers including Abida Parveen in his album Raqs-e-Bismil:

Ishq mein tere kohe gham, sar pe liya jo ho so ho
Aish'o nishaat'e zindagi, chhod diya jo ho so ho

Mujh se mareez ko tabiib,haath too apna mat lagaa
Isko khuda pe chod de,bahr'e khuda jo ho so ho

Aql ke madrase se uth, ishq ke maikade mein aa
Jaam'e fanaa'o bekhudi, ab to piya jo ho so ho

Hijr ki jo museebatein arz kiin uske rubaru
Naaz'o adaa se muskura kehne lagaa jo ho so ho

Hasti ke is saraab mein raat ki raat bas rahe
Subh'e adam huaa numoo, paaon uthaa jo ho so ho

Dunia ke nek'o bad se kaam, humko niyaz kuch nahin
Aap se jo guzar gaya, use kia jo ho so ho